कविता
छ अद्भुद तर
-------------------
बिरालो भित्र हैन नि
मुसा भित्र छ बिरालो अचेल
देन पनि बदल्न सक्ने
अत्याधुनिक खेल
नानी रुदैंन
गुडिया हाँस्छ
ठुस्स नानी
एक तमास
गुडिया रुन्छ
बस्त्र धुदैन ठिटीहरू
हाइडेनमा कुरा धुन्छ
शीरदेखि पाइताला
ढाक्ने परिधान फ्याक्ने
निहुं त हो
फागुन मात्रै रोज्छ
टिका ललाटमा हैन
गालामा लाउं कि भन्छ
नाभिमा सार्यो कुण्डल
कहाँ गर्छस नालिस गर
भनेरै कान थुर थुर छ
नथ्था पनि परेलातिर
क्या रेला हेला नाक
सुगन्ध न दुर्गन्ध
फुर फुर छ
बिरालो भित्र हैन नि
मुसा भित्र बिरालो छ
छ अद्भुद छ अचेल त ।
राममणि जोशी
दार्जीलङ्ग
