जेनजी के हो?
को हुन्
भित्री मनले
बेस्सरी बुझौं
आत्मसात गरौं
र समर्पित होऔं।
जेनरेसन- जेड
(Generation Z)
१९९७ देखि २०१२ बीच
जन्मिएका नयाँ पुस्ता
अमेरिकी लवजमा
Z लाई जी उच्चारण
भएर जेन्जी (Gen-Z )
भएका हौ तिमी ।
यो शब्दका पिता
अमेरिकी लेखक
तथा समाजशास्त्री
William Strauss
र Neil Howe हुन् ।
जेनजीका विशेषता
अनेक छन्
इन्टरनेट,
स्मार्टफोन,
सोसल मिडिया
आदिसँगै हुर्केका,
सूचना तुरुन्तै खोज्ने
सिक्ने, र शेयर गर्ने
बानी भएका
नयाँ सीप सिक्न रुचाउने,
अनलाइन कोर्स,
रिमोट वर्क आदिमा
पोख्त भएका ।
स्थिरताको
विपरीत
लचिलोपन
र आत्मसन्तुष्टिलाई
प्राथमिकता दिने ।
वातावरण संरक्षण
लैंगिक समानता
मानवअधिकार
विविधतालाई
महत्व दिने।
सामाजिक
आन्दोलन
र अभियानमा सक्रिय,
भिडियो,
मिम,
इमोजी,
जिफ प्रयोग गर्ने।
औपचारिक होइन
अनौपचारिक
र छरितो संचारमा
रुचि राख्ने ।
भ्रष्टाचार
अनियमितता
ढिलासुस्ती
घुसखोरी
आलस्य
ठगी
छली
राष्ट्रद्रोही कार्य
मन नपराउने
जेन्जी तिमी
सकृय हुनुपर्छ
खबरदारी
गरी राख्नुपर्छ।
भोलि जेनजीको हो
भविष्य तिम्रै हो
त्यसैले
अझै विश्राम नलेऊ जेन्जीहरू !
थुप्रेका अनगिन्ती
विकृति
विसंगति
बेथिति
भ्रष्टाचार
ढिलासुस्ती
घुसखोरी
नातावाद
कृपावाद
परिवारवाद
हत्याहिंसा
कमिसनखोरीका
विरुद्ध
निरन्तर
लडी राख!
देवी पन्थी
विराटनगर
