अभाव पिर र समस्याको पहल बनी आउनु
मनभित्रको प्यास मेट्नलाई जल बनि आउनु
नयन भरि फुलीरहनु फुल झैँ ढक्कमक्क,
मैले ओड्ने तिमी प्रेमिल आँचल बनि आउनु।
मुक्तक-:२
यो यात्रालाई तिमी तिरै मोड्न मन छ प्यारा
व्यवधानका जन्जिरलाई तोड्न मन छ प्यारा
सयौं जुनी तिम्रै साथमा जीवन बिताउनलाई,
तिमीसँगै चोखो नाता जोड्न मन छ प्यारा।
मुक्तक-:३
कञ्चन स्वच्छ कलकल बग्ने तिला भएपछि
रङ्ग्याई यौवन छुट्टै रासलीला भएपछि
यो दुनियाँ संसार मलाई सुन्दर लागेको हो,
तिमी नवराज म चाहिँ तिम्री शिला भएपछि।
मुक्तक-:४
जीवन चलाउनलाई छुट्टै आधार बनाउनु छ
नाता जोडी तिम्रै साथमा घरबार बनाउनु छ
जिन्दगीका अवयवहरूलाई बाँड्दै बरोबरी,
हाँसी खुसी बाँच्ने सुन्दर संसार बनाउनु छ।
✍️ नवशिला।
नवराज पोखरेल नवशिला
