मिलनसार असल अनि जाति हुन पाउँ
जुनीजुनी हजुरहरूको साथी हुन पाउँ।
चोखो निर्मल निश्चल बनिरहुँ निष्पाप
सबको मनमा बस्ने फुलपाती हुन पाउँ।
नबिझाउँ कहिल्यै म कुनै आँखा भित्र
सबै अटाउने त्यो चौडा छाती हुन पाउँ।
यो अँध्यारो हटाउनलाई सधैँ बलिरहने
जगमग बल्ने सलेदो र बाती हुन पाउँ।
यो दुनियाँले सम्झिरने यस्तो कर्म गरुँ
यही कृतिले म सबैको माथि हुन पाउँ।
✒ नवशिला
नवदेव मार्ग, लालभित्ती, मोरङ।
