छैन ईश्वर थन्केकाे कुनै स्थान विशेषमा
सर्वत्र सममा ईश अस्तित्व छ प्रत्येकमा ।
मभित्र र तिमी भित्र सबैकाे भित्र बाहिर
ईश्वर छ र हामी छाैँ निर्जीव जीवका घर।।
नासिने नासिनै सत्य आत्मा नित्य निरन्तर
स्फुर्ति ओज सबै आत्मा आत्माकै शक्तिका भर ।
आत्मा अमर याे तत्व सर्वव्यापकमा पर
मर्छाैँ भन्ने कतै शङ्का नराखाैँ शिरका शीर ।।
पञ्चतत्व यता सूर्य चन्द्र नै सब ईश हाैँ
नगिरे स्वार्थमा साना हामी नै ईश बन्दछाैँ ।
मान्न कठिन याे हुन्छ शरीर मात्र साधन
स्थायी छैन र देखिन्न तैपनि ज्ञान ख्वै भन ??
सके देख्न म नै देव ज्ञान खुल्थ्याे कि हे मन
ज्ञानै हाे कर्मकाे बाटाे ज्ञानै हाे नि ठुलाे धन ।
जन्मने हुन्छ याे वृद्ध राेग लाग्दछ मर्दछ
सुकेका पात हाँगाका जसरी झर्नु पर्दछ ।।
न जन्मन्छु म याे सत्य न मर्छु छु परापर
शरीर मात्र मानेमा मर्छ र खाेज्छ याे घर।
यत्ति हाे ज्ञान अज्ञान बुझी दृढ भए मन
ज्ञान अमरमा हुन्छ मुक्ति हाे नित्यकाे धन ।।
- हरिभक्त सिग्देल ' महेश '
